دوای 30 ساڵ، به پەیوەستبوونی 15 سیناتۆری کۆماری به 50 دیموکراتی ئەنجومەنی پیران، پڕۆژە یاسایەک بە ئامانجی کۆنتڕۆڵکردنی ھەڵگرتنی چەک لە ئەمریکا پەسەندکرا.

بەپێی ڕاپۆرتی بی بی سی، ئەم پلانە وەڵامێکە لەلایەن کۆنگرێسەوە بۆ دوو کوشتاری ئەم دواییە؛ یەکێکیان لە فرۆشگایەک لە شاری بوفالۆ لە نیویۆرک و ئەوی تریان لە قوتابخانەی ڕۆب ی سەرەتایی لە شاری ئۆڤاڵدی ویلایەتی تەکساس،  تا بەم زوانە بە پەسەندکرانی لە ئەنجوومەنی نوێنەران و واژۆی جۆ بایدن ، لە سەرانسەری ئەمریکا ببێت بە یاسا.

ئێستا بڕیارەکەی ئەنجومەنی پیران دەچێتە ئەنجومەنی نوێنەران و پێشبینی دەکرێت  بە لەبەرچاوگرتنی زۆرینەی دیموکراتەکان لەوێ بە ئاسانی تێپەڕێت و بەرەو کۆشکی سپی بچێت .

بەڵام لایەنگرانی کۆنترۆڵی چەک لە ئەمریکا پێشوازییان لە هەنگاوە حزبییەکەی سیناتۆرەکان کرد و دەڵێن ناوەرۆکی پلانەکە له بەرامبەر داواکاریەکانیان زۆربچووکە .

بەپێی پلانەکە، داواکارانی ھەڵگرتنی چەک کە تەمەنیان لە خوار ٢١ ساڵەوەیە تەنها دوای دەرکەوتنی بێ بەری بوونیان لە تاوان دەتوانن چەک بکڕن.