سندوقی منداڵانی نەتەوە یەکگرتووەکان (یونیسێف) خوازیاری ڕاگرتنی خێرای تاوانکاری و هێرشەکانی ڕژێمی زایۆنی بۆ سەر کەرتی غەززە و دامەزرانی ئاگربەستی دەستبەجێ لەم کەرتەدا بوو.

سندوقی منداڵانی نەتەوە یەکگرتووەکان (یونیسێف)ڕایگەیاند کە خوازیاری ڕاگرتنی خێرای تاوانکاری و هێرشەکانی ڕژێمی زایۆنی بۆ سەر کەرتی غەززەو دامەزراندنی ئاگربەستی دەستبەجێ لەم کەرتەدایە بە هۆکاری مرۆڤی و واش ھەڵدەگرێت کە منداڵان و نەخۆشخانەکان بپارێزرێت.

ئەم داخوازییەی (یونیسێف) لە کاتێکدا ھاتە ئاراوە کە کارەبای نەخۆشخانەی ئەلشیفا لە کەرتی غەززە بە تەواوی پچڕاوەو لە ئەنجامدا ژمارەیەک بریندار گیانیان لەدەست دا.

هەروەها ڕێکخراوی تەندروستیی جیهانیش ڕایگەیاندووە کە پەیوەندیی ڕێکخراوەکە لەگەڵ هێزەکانی لە نەخۆشخانەی ئەلشیفای کەرتی غەززە پچڕاوە.