بە دەستپێبوونی وەرزی سەرما و سۆڵە و بڵاوبوونەوەی پەتا و نەخۆشییە ڤایرۆسییەکان، نەخۆشخانە و ناوەندە دەرمانییەکانی ئینگلیز بەرەوڕووی قەیرانی کەمبوونی تەخت بوونەتەوە.

گۆڤاری ستاندارد چاپی لەندن نووسی: پێڕاگەیشتن بە هەر نەخۆشێک ٣٩٥ پۆند خەرجی دەبێ بۆ حکومەت. ئەوە لە کاتێکدایە کە ڕێکخراوەی تەندرووستیی ئینگلیز بەرەوڕووی کێشە و قەیرانی یەکجار زۆرە لە بواری کەمبوونی بودجە، ناڕەزایەتیی ستافی دەرمان لە کاری زۆر و موچەی کەم و هەروەها لە سەرە ڕاوەستانی نەخۆشان بۆ ماوەیەکی دوور و درێژ و کەمبوونی قورس و زەقی تەختی نەخۆشخانەیی.

ڕێکخراوەی تەندرووستیی ئینگلیز دوو هەفتە لەومەبەر وشداری دا کە حاڵەتەکانی تووشبوون بە نەخۆشییەکانی هەناسەکێشان و پەتاکان لەوان پەتای کۆڤید و ئانفلۆئانزا لە ناوچە جۆراوجۆرەکانی ئەم وڵاتە بە خێراییەکی تەواو ڕووی لە زیادبوون ناوە.