لێنەهاتوویی حکومەتی ئەمریکا لە کونتڕوڵی ئاگرکەوتنەوەکەی ئیالەتی کالیفوڕنیا دوای تێپەڕ بوونی حەوت ڕوژ و نەبوونی ئیمکاناتی پێویست لە و ناوچانەی وا تووشی ئاگرکەوتنەوە بوونە تووڕەیی خەڵکی ئەو ناوچانەی لە حکومەتی بایدن هەڵایساندووە

 دانیشتوانی ناوچەی ئەلتادێنا لە  دەڤەری  لۆس ئەنجلێس کە بەهۆی ئاگرکەوتنەوەی ئەم دواییەی ناوچەکە بوەتە  خۆڵەمێش ، لە کردەوی خاو و ئامادەنەبوونی دەسەڵاتداران لە هەمبەر  ڕووداوەکەدا توڕەن. بەشێک لە دانیشتوانی ناوچەکانی لۆس ئەنجلس کە  تووشی ئاگر  بوونە و وێران بووە دەڵێن  کاتێک کە سەتڵی ئاویان بەسەر بڵێسەی ئاگرەکەدا ڕشتووە بۆ ئەوەی ماڵەکانیان ڕزگار بکەن. تەنانەت یەک ئاگرکوژێنەوەیان نەبینیوە . ئەوان دەڵێن ئاگرکوژێنەوەکان سەرقاڵی ڕزگارکردنی موڵک و ماڵی کەسایەتییە ناودارەکان و دەوڵەمەندەکان بوون کە لە ناوچەی پالیسیدز  لە لۆس ئەنجلۆس دەژین، ڕێگایان دا کە  خەڵکی ئاسایی  لە ئاگرەکەدا بسوتێن. ئاگرکەوتنەوەکانی شاری لۆس ئەنجلس بەردەوامە و لانیکەم 11 کەس گیانیان لەدەستداوە و نزیکەی 10 هەزار باڵەخانە وێران بووە و زیاتر لە 100 هەزار دانیشتووی ناوچەکە ناچار بوونە کە ناوچەکە چۆڵ بکەن