وتەبێژی وەزارەتی دەرەوەی ڕووسیا سەبارەت بە سەفەری هەراسازکەری سەرۆک کۆماری ئۆکراین بۆ ئەمریکا وتی: "هەڵسوکەوتی بێ وێنەی سەرانی ئەورووپا لەگەڵ زێلێنسکی، پیشاندەری لاوازی سیاسی و هەروەها بێ ئەخلاقیی بێسنووری سەرانی ئەورووپایە."

مارییا زاخارۆڤا ڕایگەیاند: "سەفەرەکەی  زێلێنسکی بۆ واشینگتۆن پیشاندەری شکستێکی تۆکمەی سیاسی و دیپلۆماسییە بۆ ڕژێمی کیێڤ." زاخارۆڤا هەروەها وتی: "زێلێنسکی بە کردەوە و ئاکاری خۆی لە ئەمریکا ئەوەی پشتڕاست کردەوە کە خۆی پڕ مەترسیترین هەڕەشەیە لەسەر کۆمەڵگای جیهانی، وەکوو هاندەرێک بۆ هەڵخڕانی شەڕێکی گەورە."