سەرۆک کوماری بەڕازیل لە کاردانەوەیەکی بە بڕشتانەدا لە هەمبەر کارەکانی سەرۆکی ئەمریکا، جەختی لەوە کردەوە کە ڕێزگرتن لە بەرازیل لە چوارچێوەی شەڕی بازرگانی واشنتۆن دژ بە وڵاتان پێویستە و هەڕەشە و هەرا و هوریا ڕێگەیەک نییە بۆ چارەسەرکردنی ناکۆکی بازرگانی نێوان هەردوو وڵات.

لولا داسیلڤا، سەرۆک کوماری بەرازیل  ڕوولە  دۆناڵد ترەمپ هاوتا ئەمریکیەکەی  بە ئاشکرا ڕایگەیاند کە هەڕەشە و هاوارکردن ڕێگەی چارەسەرکردنی کێشە بازرگانییەکانی نێوان هەردوو وڵات نییە، داوای لێکرد بە ڕێزەوە هەڵس و کەوت  لەگەڵ وڵاتەکەی  بکات. دا سیلڤا، بە ڕاگەیاندنی ئەوەی کە ترەمپ بە هاوارکردن هیچ قازانجێک بەدەست ناهێنێت، ڕوونیکردەوە کە حکومەتی بەرازیل نە ئیدیعای باڵادەستی دەکات و نە  سووکایەتی قبوڵ دەکات  ، ئامانجیشی پاراستنی پەیوەندییەکانە بە مەرجی یەکسان و بێ گومان ئێمە  لە هەمبەر باجەکانی ترەمپ  کاردانەوەی  بەرامبەرمان دەبێت .