وەزیری دەرەوەی ڕوسیا ڕایگەیاند: وڵاتانی ڕۆژئاوا مەشقی سەربازی وروژێنەر لە نزیک سنوورەکانی ڕوسیا چڕتر دەکەنەوە.

سێرگی لاڤرۆڤ وتی: پێدەچێت ڕۆژئاوا هیچی لە هەڵەکانی ڕابردووی خۆی فێر نەبووبێت. وەزیری دەرەوەی ڕووسیا ئاماژەی بەوەدا: دوای دەستپێکردنی ئۆپراسیۆنی سەربازی تایبەت، بە شێوەیەکی  ئامانجدار دەستیان کرد بە پڕچەککردنی ڕژێمی کیێڤ و ڕێگرییان لێکردن لە ئەنجامدانی ڕێککەوتنێک کە جارێکی دیکە ئۆکرانیا بکاتە دەوڵەتێکی بێلایەن  و بێ چەکی ئەتۆمی. لاڤرۆڤ وتی: ئەوان فینلاند و سویدیان کە پێشتر بێلایەن بوون بەرەوناتۆ ڕاکێشاوە و مەشقی  سەربازی وروژێنەریان لەسەر وشکانی و دەریایی نزیک سنوورەکانمان زیاد کردووە.