پەلاماری چەکدارانەی سەرهەڵداوانی سەر بە داعش لە ڕۆژهەڵاتی کۆماری دیموکراتیکی کۆنگۆ بووە هۆی کوژرانی لانیکەم ٢١ کەس. ئەم پەلامارە بۆ سەر حەوش و حەساری کڵێسایەک بووە کە خەڵکی زۆر لەوێدا بوون.

پێشتریش کەسانی چەکداری سەر بە گرووپی "هێزەکانی دیموکراتیکی یەکگرتوو" کە لەگەڵ داعش بەیعەتیان کردووە، بە پەلاماردانی ناوچەیەک لە ڕۆژهەڵاتی کۆماری دیموکراتیکی کۆنگۆ، دەیان کەسی مەدەنییان قەڵاچۆ کردبوو.