دیپلۆماتی باڵای ڕووس وتی: ترۆئیکای ئوروپایی سەبارەت بە بەرنامەی ناڤۆکیی ئێران، ناتوانێ دەوری ئیجابی و پۆزێتیڤ بگێڕێ.

"میخائیل ئولیانۆف" نوێنەری هەمیشەیی ڕووسیا لای ڕێکخراوە نێودەوڵەتییەکان لە ڤیەن بەڕاگەیاندنی ئەوەی کە "ڕووسیا، چین و ئێران، دەورگێڕانی سەرەکین سەبارەت بە بەرنامەی ناڤۆکیی ئێران"، وتی: هەرسێ وڵات هەروەها تاڕادەیەکی زۆر لەبارەی چۆنیەتی پێشکەوتنی ئەو بەرنامە، بڕیار دەدەن.

ناوبراو وتیشی: ترۆئیکای ئوروپایی (ئینگلیز، ئاڵمان و فەڕانسە) ش بۆیان هەیە ڕوانگەی خۆیان ڕابگەیێنن بەڵام توانایان بۆ دەورگێرانی ئەرێنی، جێی گومانە.