فڕۆکەخانەی نەرویچی ئینگلیز، دوای مانگرتنی کارمەندانی کۆنترۆڵی ترافیکی ئاسمانی، ئەمڕۆ داخرا.

پاش مانگرتنی کارمەندانی کۆنترۆڵی ترافیکی ئاسمانی، هەموو گەشتەکانی ئەو فڕۆکەخانە هەڵوەشێندران و هەزاران موسافیر سەرگەردان بوون. یەکێتی "پراسپەکت" دەڵێ؛ ئەو مانگرتنە، بۆ دەربڕینی ناڕەزایەتی بە مووچەو بارودۆخی کارکردن، ئەنجامی گرتووە. گەشتەکانی کۆمپانیای "رایان ئەیر" و "کەی ئێڵ ئێمیش" هەڵوەشاون یان کەوتوونەتە بەر کارتێکەریی ئەو مانگرتنە. موسافیران بۆ کەڵک وەرگرتن لە گەشتە جێگرەوەکان، ناچارن نزیک بە سەد و شەست کیلۆمەتر هەتا فڕۆکەخانەی "ساوتند" لە ئێسەکس گەشت بکەن. ئەو کێشەیە، لە لوتکەی وەرزی گەشت کردن، موسافیران و گەشتیارانی تووڕە کردووە. بەرپرسانی فڕۆکەخانە ڕایانگەیاندووە، بۆ کۆتایی هێنان بەو ناکۆکییە، دانوستان لەگەڵ سەندیکای هاوپێوەند بەردەوام دەکەن.