وتەبێژی ئۆپراسیۆنی هاوبەشی ئێراق باسی ئازاد کرانی هەندێ ناوچەی ستانی ئەنباری ڕۆژاوای ئەم وڵاتەی کرد کە هێشتا لە دەستی تاقمی تیرۆریستی داعش دایە لە چەند ڕۆژی داهاتوو دا .

بە پێی ڕاپۆرتی ڕۆژی شەممەی هەواڵدەریی ڕادیۆتەلەفزیۆن  بەگێڕانەوە لە هەواڵدەریی سپوتنیک  ، یەحیا ڕەسووڵ  وتەبێژی ئۆپراسیۆنی هاوبەشی  ئێراق وتی  : هەندێ  ناوچەی باکووری چۆمی فورات  وەکوو ڕاوە و  رەمانە  و هەندێ  ناوچەی دیکە کە هێستا  لە دەستی  تاقمی تەکفیری وەهابی داعش دایە،  لەلایەن  هێزەکانی ئێراقییەوە بە تەواوەتی گەمارۆ دراوە  .

ئەم کاربەدەستەسەربازییەی ئێراقی وتیشی :  هێزی ئێراقی  بەم زووانە  دەچنە ناوچەداگیرکراوەکان لەلایەن داعش  و  ئەم ناوچەیە لە ماوەیەکی کورت دا لە بوونی تیرۆریستان و چەشنی جۆربەجۆری بۆمب و داوی تەقینەوە پاکتاو دەکرێت  .

یەحیا ڕەسووڵ وتیشی  : بە هاتنی هێزی ئێراقی بۆشاری قائم لە ڕوژاوای  ئەنبار  ژومارێکی زۆر لە ئەندامانی داعش  بەرەو  شاری بووکەماڵی سوریا هەڵاتن  و  ژومارێکی تریشیان   لەلایەن هێزی ئێراقییەوە کوژراون  .

شاری قاتم و  گەڕەکەکانی دەورووبەری ڕۆژی هەینی  لە دەستی تاقمی تیرۆریستی داعش ئازاد کران  .

ئۆپراسیۆنی ئازاد کردنی ڕۆژاوای پارێزگەی ئەنبار لە دەستی داعش  بە بەشداری هێزی سوپا و حەشدی شەعبی  ئێراق لە بیست و شەشەمی ئوکتوبەری ساڵی 2017ەوە دەست پێکراوە  .