وەزارەتی کاروباری کۆمەڵایەتی ئێراق لە بەیاننامەیەکدا ڕایگەیاند سەبارەت بە بانگەشەی فرۆشی منداڵانی ژێرچاودێری ناوەندێکی ڕاگرتن سەر بە وەزارەتخانەی داعش ، لە پارێزگای نەینەوا لە باکووری ئێراق لێکۆڵینەوە دەکات .

 بە گوێرەی ڕاپۆڕتی  ڕۆژی یەکشەمەی ئیرنا  لە بەیاننامەی وەزارەتی کاروباری کۆمەڵایەتی  ئێراقدا هاتووە ئەگەر ئەو لێکۆڵینەوە بسەلمێندرێت ، لە گەڵ تاوانکاران بە تاوانی خەیانەت  لە ئەمانەت  و پێشێلکرانی شەرافەتی  کاریی  هەڵس و کەوتی دادەوانیی دەکرێت . بە پێی ئاماری  سەرچاوە ناوخۆیی و نێونەتەوەییەکان لە چەن ساڵی ئەم دواییەدا  منداڵان و ژنان لە سەرووی  قوربانیانی  ئێراقین . ئامارە بڵاو کراوەکان لە لایەن  نوێنەرایەتی  ڕێکخراوی نەتەوەکان  بۆ یارمەتی  بە ئێراق یونامی   نیشان ئەدات  لە ساڵی 2014 ( دەسپێکی پەلاماری داعش بۆ سەر ئێراق ) تا نیوەی  یەکەمی  ساڵی 2017 ، هەزار و حەفتاو پێنج منداڵی  ئێراقی  لە ڕووداوی  تڕوڕیستی  ئەو وڵاتە کوژراون .  یونامی هەروەها  باسی کردووە لە  بریندار و کەم ئەندام بوونی هەزار و سەد و سی  منداڵ و جیایی  زۆرتر لە  چوارهەزار و 650  منداڵی  دیکە  لە بنەماڵەکانی  خۆیان  لەو ماوەیەدا . ئێستاکە  زیاتر لە  پێنج ملوێن منداڵی  ئێراقیش  پێویستیان  بە یارمەتی مرۆیی خێرا هەیە .