پاکتاوکرانی 6 لادێ لە موسڵ لە لایەن ھێزەکانی حەشدی شەعبیەوە
May 10, 2020 21:06 Asia/Tehran
ھێرەکانی حەشدی شەعبی 6 گوندی شاری موسڵیان لە تیرۆریستانی داعش پاک کردەوە .
بە پێی راپۆرتی ھەواڵدەریی فارس ، تیپی 33ی حەشدی شەعبی ئەمڕۆ یەکشەممە توانی ھەڵمەتی پاکتاوکردنی ئاواییەکانی «تل الرمان»، «الحسینیه»، «شیخ یونس»، «الدباشه»، «مزملات» و «ملوثه» لە باشووری رۆژاوای شاری موسڵ لە تیرۆریستانی داعش کۆتایی پێ بێنێ .
لەم ھەڵمەتەدا ھێزەکانی حەشدی شەعبیی عێراق توانیان بڕێکی زۆر تەقەمەنی و چەکی بەجێماوی تیرۆریستان بدۆزنەوە .
لە ھمان کاتدا سادق حسێنی لە فەرماندەرانی حەشدی شەعبی باسی کوژرانی فەرماندەرێکی باڵای داعشی کرد لە ناوچەی «حوض الوقف» لە پارێزگەی دیالە .
ھێزەکانی حەشد لە رۆژانی رابردوودا ھەڵمەتی خۆیان لە پارێزگاکانی دیالە ، سەلاحەدین ، کەرکوک و ئەنبار بۆ راوەدوونانی شانە نوستووەکانی داعش دەستپێکردووە .
