وەزیری بەرگریی تورکیا گەیشتە بەغدا
کانونی دوھەم 18, 2021 10:55 Asia/Tehran
خولوسی ئاکار، وەزیری بەرگریی تورکیا گەیشتە بەغدا و بڕیارە سەردانی هەرێمی کوردستان بکات و لەگەڵ بەرپرسە باڵاکانی هەرێمی کوردستان کۆببێتەوە.
یاشار گولەر سەرۆک ئەرکانی سوپای تورکیا یاوەریی خولوسی ئاکار وەزیری بەرگریی تورکیا دەکات.
خولوسی ئاکار و یاشار گولەر لە بەغدا لەگەڵ بەرهەم ساڵح سەرۆککۆمار و مستەفا کازمی سەرۆکوەزیران و جومعە عیناد وەزیری بەرگریی عێراق کۆدەبنەوە.
بەرەنگاربوونەوەی تیرۆر و هاوکاری سەربازی و ئاسایشی نێوان هەردوو وڵات لە تەوەرە سەرەکییەکانی کۆبوونەوەکان دەبێت.
پێشتر وا بڕیار بوو خولوسی ئاکار لە 13ی ئابی 2020 سەردانی عێراق بکات، بەڵام دواتر بەهۆی بۆردوومانی فڕۆکەیەکی بێفڕۆکەوانی تورکیا و گیانلەدەستدانی دوو ئەفسەری پلە باڵای هێزەکانی پاسەوانی سنووری عێراق، وەزارەتی دەرەوەی عێراق سەردانی خولوسی ئاکاری بۆ بەغدا هەڵوەشاندەوە.
سەرپەیڤ
