نوێنەری حەزرەتی ئایەتوڵڵا عوزما خامەنەیی ڕابەری مەزنی شۆڕشی ئیسلامی لەعێراق ھێرشە تیرۆریستییەکانی سەر بەغدای ئیدانە کرد.

ئایەتوڵڵا «سەیید موجتەبا حسەینی» نوێنەری حەزرەتی ئایەتوڵڵا عوزما خامەنەیی  ڕابەری مەزنی شۆڕشی ئیسلامیی ئێران لە عێراق، ڕۆژی ھەینی وێڕای ھادەردی دەربڕین لەگەڵ بنەماڵەی شەھیدانی ھێرشە تیرۆریستییەکانی بەغدا، ڕایگەیاند: جارێکی تر دەستی خەیانەت ھاتە دەرەوە ھەتا بەکرێگیراوانی ئیستیکباری داگیرکەر تاوانێکی دڕندانەو چەپەڵی دیکە دژی شارومەندانی بێ دەرەتانی عێراق بخولقێنن.

نیوەڕۆی ڕۆژی پێنج شەممە لە مەیدانی «تەیەران» لە ناوەڕاستی بەغدای پێتەختی عێراق دوو تەقاندنەوەی تیرۆریستی ڕووی دا کە بە پێی ڕاگەیاندنی وەزارەتی تەندروستیی عێراق، لە ئەنجامی ئەم کارەساتە ھەتا ئێستا ٣٥ کەس گیانیان لە دەست داوەو ١١٠ کەسی دیکەش بریندار بوونە.