پێداگری عێراق لەسەر پێویستی وەفاداربوونی ئەمریکا بە ڕێککەوتنی بردنەدەری چەکدارەکانی لە عێراق
ڕاوێژکاری ئاسایشی نیشتمانی عێراق ڕایگەیاند کە ڕێککەوتن لەسەر دەرکردنی بەتەواوی هێزە چەکدارەکانی ئەمریکا لە وڵاتەکەی لە مانگی ئۆکتۆبری داهاتوودا بەرێوە دەچێ.
قاسم ئەعرەجی وێڕای بەرپەرچدانەوەی هەرچەشنە ڕازی بوونێکی حکومەتی عێراق لەسەر وەدواخرانی وتووێژ بۆ دەرکردنی چەکدارانی ئەمریکی و هێزی هاوپەیمانانی دەرەکی لە عێراق وتی حکومەتی عێراق شیلگیرانە بە لایەنی ئەمریکی ڕاگەیاندوە کە دەبێ سەرجەمی هێزەکانی بەپێی ڕیککەوتننامەی نێوان دوولایەن ئەوپەڕی تا مانگی سیپتامری ساڵی ٢٠٣٦ بنکەکانی بەغداو عەین ئەسەدو کوردستانی وڵاتەکەی بەجێ بهێڵن.
ئەعرەجی هاوکات سەبارەت بە داخرانی بنکەی تیرۆریستە جیاخوازەکانی جێگیر لە هەرێمی کوردستانیش وتی حکومەتی عێراق لەدوای چەک کردنی ٧٧ بنکەیان لەنزیک سەر سنورەکانی ئێران ئەو بنکانەی داخستوەو بەبێ چەک ڕایگواستۆنە شەش کەمپ لە شارەکانی هەولێرو سلێمانی تاکوو بەزوویی و بە هاودەنگی لەگەڵ نوسینگەی ڕیکخراوی نەتەوە یەکگرتوەکان بواری دەرکردنیان لە عێراق و بەرێکردنیان بۆ وڵاتێکی تر بڕەخسێ و ئیتر نەتوانن ببنە هەرەشە لەسەر ئێران و عێراق.
