ژێدەرە هەواڵییەکان باسی سەفەری فەرمیی وەزیری دەرەوەی حکومەتی کاتیی سوریا بۆ بەغدایان کردووە.

"ئەسعەد شەیبانی" وەزیری دەرەوەی حکومەتی کاتیی سوریا ئەمڕۆ لە سەفەرێکی فەرمیدا گەیشتە بەغدای پێتەختی عێراق و بڕیارە لەم سەفەرەدا لەگەڵ "فواد حسێن"ی وەزیری دەرەوەی عێراق و ژمارێک کاربەدەستی باڵای دیکەی ئەم وڵاتە دیدار بکات و پرسە دوولایەنەکان، هاوکارییە ناوچەییەکان و  پرس و بابەتی هاوبەش بخاتە بەر باس و وتووێژ.

پێشتر شاندێکی عێراقی بە سەرۆکایەتی دەزگەی هەواڵگریی ئەم وڵاتە بە مەبەستی وتووێژ سەبارەت بە پاراستنی سنوورەکان و هاوکاری بۆ پێشگری بە سەرهەڵدانەوەی گرووپی تیرۆریستیی داعش سەردانی دیمەشقی کردبوو.