وێنەکانی بەرپاکرانی کێبەرکێیەکی تۆپی پێ لە عێراق دا وای دەرخستووە کە ھێندێک لە یاریزانە پرۆفشناڵەکان و ھاندەرانی یاریی تۆپی پێی ئەم وڵاتە لە ھەمبەر پێشگرتن بە تەشەنای ڤایرۆسی کۆرۆناو خەمساردن.

بە پێی ڕاپۆرتی میدیاکانی عێراق، ڕۆژی دووشەممە لە پەراوێزی بەرپاکرانی کێبەرکێیەکی خۆجێیی لە بەغدا، کۆمەڵێک لە یاریزانانی پرۆفشناڵی دوو یانەی «ئەلزۆرا»و «ھێزی ئاسمانیی عێراق» چوونەتە نێو ئاپۆڕەی ھاندەرانەوەو بەبێ ڕەچاو کردنی لێک دابڕان و مەودای پێویست ، سەیری یارییەکەیان کردووە.

ئەم یارییە لە شارۆچکەی سەدری بەغدا بەڕێوە چووەو فیناڵی کێبەرکێیەکی حۆجێیی ھاتووەتە ئەژمار کە ھەستیاری و گرینگییەکی تایبەتیی بۆ ھۆگرانی عێراقیی تۆپی پێ ھەبووە.

لێژنەی باڵای پزیشکی و تەندروستیی عێراق بەرپاکرانی ھەرجۆرە ڕووداوێکی وەرزشیی لە ئاستی جۆربەجۆردا قەدەغە کردووە، کەچی بڕێک یاریی خۆجێیی تۆپی پێ بەبێ سەرنجدانی ئەم ڕاسپاردەو ڕێنماییانەو ڕەچاوکردنی مەوداو لێک دابڕان  لەم وڵاتەدا بەڕێوە دەچن.