کاتی پێشکەشکرانی کاپی پاڵەوانەتی بە پێرسپۆلیس دیاری کرا
ته‌مووز 29, 2020 17:25 Asia/Tehran
کاتی پێشکەشکرانی کاپی پاڵەوانەتیی نۆزدەھەمین خولی کێبەرکێکانی ھەڵبژاردەی تیپی تۆپی پێی پێرسپۆلیس دیاری کرا.
بە پێی ڕاپۆرتی ئیرنا، لە کۆبوونەوەیەک دا کە ئەمڕۆ لە ڕێکخراوەی لیگ دا بەرپا کرا، بڕیار درا ھەتا ئاھەنگی پێشکەشکرانی کاپی پاڵەوانەتی بە تیپی پێرسپۆلیس دوای یارییەکەی لەگەڵ «زەوبی ئاھەن» و لە یاریگای «ئازادی»ی تاران بەڕێوە بچێت.
ھەروەھا لە بەر نەیارەتیی بنکەی بەرنگار بوونەوەی کۆرۆنا، ھەوادارانی پێرسپۆلیس تەنانەت بە شێوەی بەرتەسکیش بۆیان نییە ئامادەی ئاھەنگەکە ببن.
«حسەین خەبیری» سەرپەرشتی جێگرایەتیی کارگێڕیی یانەی پێرسپۆلیس وەک نوێنەری یانەکە لەو کۆبوونەوەیەدا بەشداریی کرد.
ململانێی پێرسپۆلیس وزەوبی ئاھەن ڕۆژی ھەینی ١٧یگەلاوێژ لە یاریگای ئازادیی بەڕێوە دەچێت.
