ئیسپانیەکان سەرکەوتنێکی گەورەیان تۆمارکرد
ئه‌یلوول 07, 2020 08:31 Asia/Tehran
لە میانەی یارییەکانی خولی نەتەوەکانی ئەوروپا و لە یارییەکانی کۆمەڵەی "A4" هەڵبژاردەی ئیسپانیا لە نێو یاریگای خۆی میوانداری هەڵبژاردەی ئۆکرانیای کرد و یارییەکەشی بە ئەنجامێکی گەورە لێبردەوە.
لە نیوەی یەکەمی یارییەکەدا یاریزانانی هەڵبژاردەی ئیسپانیا بە سێ گۆڵ پێشکەوتن کە دو گۆڵیان سێرجیۆ ڕامۆس تۆماریکرد لە خولەکەکانی "3 و 29"ی یارییەکەدا و گۆڵەکەی دیکەش ئانسۆ فاتی لە خولەکی 32 یارییەکەدا تۆماریکرد، لە نیوەی دوەم و لە خولەکی 84 فیران تۆرێس گۆڵی چوارەمی بۆ هەڵبژاردەی ئیسپانیا تۆمارکرد و یاریەیکەشیان بەو ئەنجامە بردەوە.
هەڵبژاردەی ئیسپانیا بە هۆی ئەم سەرکەوتنەوە توانی ڕیزبەندی یەکەمی ئەو کۆمەڵەیە وەربگرێت و بە کۆکردنەوەی چوار خاڵ پێشی ئەڵمانیەکانی داییەوە کە خاوەنی تەنها دو خاڵن.
