فیلمێک بە رۆڵ بینینی تام کرووز لە بۆشایی گەردوون دا ساز دەکرێ
ئه‌یلوول 20, 2020 16:37 Asia/Tehran
بۆ یەکەم جار لە مێژوودا فیلمێک بە تەواوەتیی لە دەرەوەی گۆی زەوی و لە بوشایی گەردوون دا ساز دەکرێ .
ئەم فیلمە بێ ناوە کە ئامادەکردن و وێنەھەڵگرتنی بە فەرمی پشتڕاستکراوەتەوە ، تام کرووز ی وەک ئەستێرەی سەرەکیی تێدایە و یەکەم فیلمی سینەمایی مێژووی سینەمایە کە لە دەرەوەی گۆی زەوی ساز دەکرێ .
ئەم فیلمە بە ھاریکاری ستۆدیۆی سینەمایی یونێڤێرساڵ و رێکخراوی ناسا و سپەیس ئەکس ئامادە دەکرێ . سپپەیس ئەکس کۆمپانیەکی کارا لە بواری ئاسمانی و گەردونیە کە ھی ئیلان ماسک ملیاردەری ناسراوی جیھانی تەکنۆلۆژیە .
ھەڵبەت بەر لەوە و ساڵی 2008 فیلمێکی 5 خولەکی لە بۆشایی گەردوون لە لایەن ریچارد گەریوت گەشتیاری گەردوونی ئامادە کرا .
تام کرووز 58 ساڵ تەمەنی ھەیە و ئێستاش بە ھەمان گوڕ و تین و گورج و گۆڵیی جاران دەور دەنوێنێ .
