سەرۆکی ئیدارەی فەرهەنگ و ئیرشادی ئیسلامی مەهاباد وتی: یەکەم فێستیڤاڵی دەف ژەنی و مەولوودی خوێنی ڕۆژاوای ئێران لەژێر ناوی " نەوای وەحدەت" بە میوانداری ئەو شارە لە ڕێگای ڤیدیۆ کۆنفڕانسەوە بەڕێوە دەچێت.

بە پێی  ڕاپۆرتی ئاژانسی هەواڵی مێهر، سیامەند جەوانبەخت ڕایگەیاند: ئەو فێستیڤاڵە لە سێ بەشی تاکەکەسیی دەف ژەنی، مەولوودی خوێنی و گرووپی بەڕێوە دەچێت و هۆگران دەتوانن بۆ بەشداری لەو فێستیڤاڵە تا حەوتی خەزەڵوەری ئەمساڵ بەرهەمەکانی خۆیان بنێرن بۆ دەبیرخانەی ئەو فێستیڤاڵە.

ناوبراو لە درێژەدا وتی ڕێوڕەسمی کۆتایی هاوکات لەگەڵ هەفتەی یەکگرتوویی لە ڕۆژانی ١٤ و ١٥ ی خەزەڵوەر هەر رێگای ڤیدیۆ کۆنفڕانسەوە بەڕێوە دەچێت.