پۆگبا بەهۆی ماکرۆنەوە وازهێنان لە هەڵبژاردەی فەرەنسا ڕادەگەیەنێت
تشرینی یه‌که‌م 26, 2020 14:20 Asia/Tehran
بەهۆی ڕووداوەکانی چەند ڕۆژی ڕابردوو و لێدوانەکانی سەرۆکی فەرەنسا، هەندێک لە سەرچاوەکان ئاماژەیان بە توڕەیی پۆل پۆگبای ئەستێرەی یانەی مانچستەر یونایتد و وازهێنانی لە هەڵبژاردەی فەرەنسا کردووە.
ڕۆژنامەی زە سەنی بەریتانی بڵاویکردووەتەوە، پۆگبا بەهۆی لێدوانەکانی ماکرۆن دژی ئاینی ئیسلام و خەڵاتکردنی ئەو مامۆستایەی لەلایەن گەنجێکی چیچانییەوە کوژرا، توڕەبووە، لەدوای بڵاوکردنەوە و هەڵواسینی کاریکاتێری پێغەمبەری ئیسلام(دخ) بە بینا بەرزەکانی پاریسدا، یاریزانی ناوبراو بڕیاریداوە چیتر بۆ هەڵبژاردەی لێس بلوس یارینەکات و بەم نزیکانە وازهێنانی نێودەوڵەتی ڕابگەیەنێت.
تاوەکو ئێستا پۆل پۆگبا، یان فیدراسیۆنی تۆپی پێی فەرەنسا لەم بارەیەوە هیچ ڕوونکردنەوەیەکیان نەبووە، کە دەکرێت لەم بابەتەدا وەک سەرچاوەی فەرمی ئاماژەی بۆ بکرێت.
