یارییەکانی ئەمڕۆ یەکشەممەی یانەکانی ئەوروپا
ئەمڕۆ کێبڕکێی یانەکانی ئەوروپا بەردەوامیی دەبێت و چەندین یاری بەهێز لە خولەکانی ئینگلتەرا و ئەڵمانیا و ئیتاڵیا و فەرەنسا و ئیسپانیا ئەنجامدەدرێن.
لە خولی نایابی ئینگلتەرا یارییەکانی هەفتەی 14 ئەنجامدەدرێن، یانەکانی تۆتنهام و مانچستەر یونایتد لە یاریگای خۆیاندا میوانداری یانەکانی لیستەر سیتی و لیدز یونایتد دەکەن.
لە ئیسپانیاش بەهەمان شێوەی ڕوبەڕوبوونەوەکانی هەفتەی 14 دەکرێن، لە گرنگترینیاندا یانەی ڕیاڵ مەدرید لە یاریگای ئیپۆرا مونیسیپاڵ دەبێتە میوانی یانەی ئیبار.
لە ئیتاڵیا حەوت ڕوبەڕوبوونەوەی گەڕی 13ی سیریا ئەی ئەنجامدەدرێن، تیایاندا یانەکانی ئینتەرمیلان و میلان و ڕوبەڕوی سپیزیا و ساسولۆ دەبنەوە، لە دوو یاری بەهێزی دیکەشدا یانەی ئاتالانتا میوانداری ڕۆما دەکات و لازیۆ بەرانبەر ناپۆلی دەوەستێتەوە.
خولەکانی ئەڵمانیا و فەرەنساش بەهەمان شێوە بەردەوامییان دەبێت، یارییەکانی گەڕی 13 و 16 سازدەکرێن، گرنگترینیان لە ستاد پیێری مورۆی لە نێوان یانەی لیلی خانەخوێ و پاریس سانت جێرمانی میوان ئەنجامدەدرێت.
