شەرمەزار کردنی شێواندنی گڵکۆی مامۆستای ھونەرمەند محەمەدی ماملێ
کانونی دوھەم 09, 2021 05:35 Asia/Tehran
بەرپرسی ئیدارەی فەرھەنگ و ئیرشادی ئیسلامیی شاری مەھاباد بۆ شەرمەزار کردنی شێواندنی گڵکۆی مامۆستای ھونەرمەند محەمەدی ماملێ ، بەیاننامەیەکی دەرکرد .
بە پێی راپۆرتی کوردپرێس ، دوێنێ ھەینی کەسانی نەناسراو لە ھەنگاوێکی قێزەوەن دا ، کێلی گڵکۆی ھونەرمەندی نەمر محەمەدی ماملێیان لە گۆڕستانی شاری مەھەباد شێواند و سپرێی رەنگی رەشیان لێدا.
لە بەیاننامەی ئیدارەی فەرھەنگ و ئیرشادی ئیسلامیی مەھاباد دا ھاتووە : ئەم جۆرە کارە ناژیرانە ھەم لە روانگەی ئایینەوە ناپەسەندە و ھەم لە گەڵ گیانی فەرھەنگیی و ئەخلاقیی باوی کۆمەڵگای ئیمە نامۆیە .
مامۆستای نەمر محەمەدی ماملێ بە 2000 گۆرانی وەک پێناسەیەکی مۆسیقا و گۆرانی کوردیی ناسراوە و تا ئێستا چەندین کتێب لەسەر ژیان و بەرھەمەکانی بڵاوبووەتەوە .
سەرپەیڤ
