حەوتەی سێزدەھەمی لیگی نایابی تۆپی پێ ، ئیستقلال دوو خاڵی دیکەی لە دەستدا
کانونی دوھەم 30, 2021 07:53 Asia/Tehran
یانەی تۆپی پێی ئیستقلال لە سێزدەھەمین یاری خۆی دا لە لیگی نایاب لە بەرامبەر یانەی نەفتی مەسجد سلێمان بە ئەنجامی یەکسان وەستا تا دوای دۆڕان بە سایپا ، ئەمجار دوو خاڵی گرنگی دیکە لە دەست بدات .
لە یەکێک لە یاریەکانی حەوتەی سێزدەھەمی لیگی نایابی تۆپی پێی ئێران ، لە کاتژمێر سێی دوانیوەڕۆی دوێنی ھەینی یانەی ئیستقلال رووبەڕووی یانەی نەفتی مەسجد سلێمان بووەوە کە ئەم پێشبڕکێیە بە ئەنجامی یەکسانی یەک بە یەک کۆتایی ھات .
بەر لە دەسپێکی یاریەکە ئەندامتانی ھەردوو یانەکە بە پپێشکەشکردنی گوڵ لە بەرامبەر وێنەی مێھرداد میناوەند یاریزانی کۆچکردووی یانەی پرسپۆلیس و ھەڵبژاردەی پێشووی تۆپی ئێران ، یاد و بیرەوەریی ئەویان بەرز راگرت .
