وێنە مێژوییەکانی مەھاباد لە پیشانگایەک دا یەکانگیر دەبن
شوبات 10, 2021 21:41 Asia/Tehran
لە شاری مەھاباد پیشانگایەک بۆ خستنە بەردیدی وێنە مێژوییەکانی ئەم شارەو ڕاکێشانی سەرنجی ھۆگران دەکرێتەوە.
سەرۆکی فەرمانگەی فەرهەنگ و ئیرشادی ئیسلامیی شاری مەهاباد لە ئاھەنگی کرانەوەی ئەم پیشانگایەدا، ڕایگەیاند: لەم پیشانگایەدا وێنەگەلی سەردەمانی کۆن بریتی لە دەیەی ١٣٥٠ی شاری مەهاباد پیشان دەدرێت.
«سیامەند جوانبەخت» سەرۆکی فەرمانگەی فەرهەنگ و ئیرشادی ئیسلامیی شاری مەهاباد جەختی لەوەش کردووەتەوە کە: هەموو وێنەکان لە سەر دەستی هونەرمەندی بەتوانا «ئەنوەر یوسفی» کۆنترین وێنەگری مەهابادی ئامادە کراون و خراونەتە بەر دیدی ھۆگران.
سەرۆکی فەرمانگەی فەرهەنگ و ئیرشادی ئیسلامیی شاری مەهاباد ئەوەشی ڕوون کردووەتەوە کە، ئەم پیشانگایە لە ڕووبەرێکی ٢٢٥ مەتریی چوارگۆش و بە داهێنانێکی تایبەت و پاراستنی شێوازە کۆنەکان و ڕازاندنەوەی تایبەت بۆ بینەران ئامادە کراوە.
