SAHAR

له‌ خولی یانه‌کانی ئیسپانیاو له‌ یاری کلاسیکۆی خوله‌که‌، ریال مه‌درید سه‌رکه‌وتنی به‌سه‌ر به‌رشه‌لۆنه‌ به‌ده‌ستهێناو پێشه‌نگی خوله‌که‌شی به‌ شێوه‌یه‌کی کاتی گرت .

یاریه‌که‌ له‌ چوارچێوه‌ی گه‌ڕی ٣٠ـی خولی ئیسپانیا بوو له‌ سه‌ر یاریگای ئالفریدیۆ دی ستیفانۆ ، خاوه‌ن یاریگه‌ توانی ٢-١ له‌ به‌رشه‌لۆنه‌ی میوانداری بباته‌وه‌ .

گۆڵه‌کانی ریال مه‌درید له‌ رێگه‌ی که‌ریم بنزێماو تۆنی کروسی ئه‌ڵمانی تۆمارکراو ته‌نیا گۆڵه‌که‌ی به‌رشه‌لۆنه‌ش له‌ رێگه‌ی مێنگیزا نووسرایه‌وه‌ .

به‌و ئه‌نجامه‌ ریال مه‌درید به‌ شێوه‌یه‌کی کاتی به‌ کۆکردنه‌وه‌ی ٦٦ خاڵ هاته‌ پله‌ی یه‌که‌م و به‌رشه‌لۆنه‌ش له‌ پله‌ی سێیه‌مه‌ به‌ جیاوازی خاڵیک و کۆکردنه‌وه‌ی ٦٥ خاڵ .