پەریسا جەهانفکریان ، یەکەم ئافرەتی ئۆلەمپیکیی بەرزکردنەوەی قورسایی ئێران
ته‌مووز 05, 2021 07:15 Asia/Tehran
سەرۆکی فێدراسیۆنی بەرزکردنەوەی قورسایی ئێران رایگەیاند ، یەکەم ئافرەتی ئۆلەمپیکیی ئێران بو ئۆلەمپپیکی تۆکیۆ دەنێردرێ .
عەلی مورادی گوتی : سەرباری نەشتەرکاریی چەند رۆژ لەمەبەری پەریسا جەهانفکریان وەرزشکاری نیشتمانیی دەستەی سەرووی 87 ی کیلۆی ئافرەتانی ئێران ، ئەم خانمە وەرزشکارە لە چەند رۆژی داهاتوودا لەژێر چاوەدێریی پزیشک و راهێنەرانی هەڵبژاردەی بەرزکردنەوەی قورسایی ئافرەتانی ئێران ، لە ئۆردودا دەبێ و بۆ ئۆلەمپیکی تۆکیۆش دەنێردرێ .
پەریسا جەهانفکریان ئەندامی هەڵبژاردەی نیشتمانیی بەرزکردنەوەی قورسایی ئافرەتانی ئێرانیش لەمبارەوە گوتی خۆشحاڵە وەک یەکەم ئافرەتی ئێرانی لە لقی بەرزکردنەوەی قورسایی ،پشکی ئۆلەمپیکی وەدەست هێناوە .
