ھەڵکشانی ھەڵبژاردەی نیشتمانیی تەکواندۆی ئێران بۆ فیناڵی پێشبڕکێ تیمیەکانی ئۆلەمپیکی تۆکیۆ
ته‌مووز 26, 2021 17:37 Asia/Tehran
ھەڵبژاردەی نیشتمانیی تەکواندۆی ئێران بە سەرکەوتنی بەھێز لە بەرامبەر ژاپۆن توانی بگاتە فیناڵی پێشبڕکێ تیمیەکانی ئۆلەمپیک.
لەسەر پێشنیاری فێدراسیۆنی جیھانیی تەکواندۆ و پشتڕاستکردنەوەی کۆمیتەی نێودەوڵەتیی ئۆلەمپیک بۆ یەکەم جار پێشبڕکێ تیمیەکانی ھاوبەشی تەکواندۆ بە شێوەی تاقیکاریانە لە یاریەکانی ئۆلەمپیکی تۆکیۆ دا بەڕێوەدەچێت ، تیمەکانی ئێران و چین توانیان لە رێگەی پێشبڕکێکانی جامی جیھانی و ھونەرە رەزمیەکان پشکی ئامادەبوون لەم رووداوەدا وەدەست بێنن و بە راگەیاندنی فێدراسیۆنی جیھانیی تیمەکانی لێواری عاج و روسیا و ژاپۆنیش ئامادەن .
ئێران و ژاپۆن کە لە گروپی دوھەمدان ئەمڕۆ دوشەممە رووبەڕووی یەک بوونەوە لە سێھەمین رۆژی ئەم پێشبڕکێیە و سەرەنجام تەکواندۆکارانی ئێران توانیان بە ئەنجامی 52 بە 31 سەرکەون و بگەنە فیناڵ .
