کەشوهەوا گرفتی بۆ ئۆڵۆمپیکی تۆکیۆ دروست کرد و پێشبڕکێیەک دواخرا
ئاب 02, 2021 16:23 Asia/Tehran
لە رۆژی دەیەمی ئۆڵۆمپیادی تۆکیۆ 2020، بڕیاربوو کێبڕکێی بەلەمی چارۆکەدار ئەنجامبدرێت، بەڵام بەهۆی نەگونجاوی کەشوهەوا، کێبڕکێکە دواخرا.
بڕیاریشە لە ماوەی داهاتوودا، پڕۆگرامی نوێی ئەنجامدانی کێبڕکێکە ئاشکرا بکرێت.
ھەر لە ئۆلەمیکەوە ، ژمارەی ئەو کارمەندانەی ئۆڵۆمپیادی تۆکیۆ 2020 کە تا ئێستا تووشی ڤایرۆسی کۆرۆنا بوون، گەیشتووەتە 276 کەس.ئەمەش دوای ئەوە هات کە لێژنەی رێکخستنی ئۆڵۆمپیادی تۆکیۆ، تووشبوونی 17 کەسی دیکەی بە ڤایرۆسی کۆرۆنا راگەیاند.
هیچ یاریزانێک لەنێو ئەو تووشبووانەدا نییە کە لە میانی 24 کاتژمێری رابردوودا تۆمار کراون، هەروەها سەرجەم تووشبووەکانیش کەرەنتین کراون.
