بەرپاکرانی کۆبوونەوەی ئێران ناسی لە تورکیا
تشرینی یه‌که‌م 27, 2021 18:00 Asia/Tehran
لە ئانکارای پێتەختی تورکیا کۆبوونەوەیەک پەیوەست بە ناساندنی وڵاتی ئێران لە ڕووی کلتووری و مێژووییەوە بەرپا کرا.
بە پێی ڕاپۆرتی ھەواڵدەریی ڕادیۆو تەلەفزیۆنی ئێران، کۆبوونەوەیەک بە مەبەستی ناساندنی کلتوورو مێژووی ئێرانی_ ئیسلامی لە سەر ئەرکی ڕاوێژگەی ڕۆشنبیریی ئێران لە تورکیاو بە بەشداریی ئەنجومەنی نێونەتەوەیی خوێندکارانی دانیشتووی تورکیا لە ئانکارا بەرپا کرا.
لەم کۆبوونەوەیەدا یاریدەری وەزیری ڕۆشنبیریی تورکیا، باڵوێزی کۆماری ئیسلامیی ئێران لە تورکیاو کۆمەڵێک لە خوێندکاران و فێرخوازانی زمانی فارسی لە سەرتاسەری جیھان بەشدار بوون.
لە ئێستادا پتر لە ھەزارو ٥٠٠ ئێران ناس لە تورکیادا سەبارەت بە بەھرەو بارستاییە مێژوویی و کلتوورییەکانی ئێران خەریکی نوسین و چالاکی نواندنن.
