SAHAR

له‌ یاری لوتکه‌ی گه‌ری سێزده‌هه‌مینی خولی یانه‌کانی فه‌ره‌نسا یانه‌ی پاریس سانت جیرمان له‌ ده‌ره‌وه‌ی یاریگای خۆی سه‌رکه‌وتنی به‌سه‌ر یانه‌ی بۆردۆی میوانداری تۆمار کرد.

یارییه‌که‌ له‌سه‌ر نۆڤۆ ستادیۆم به‌رێوه‌ چوو ، له‌ خوله‌کی بیست و شه‌ش نه‌یمار داسیلڤای به‌رازیلی ده‌رگای گۆل تۆمار کردنی کرده‌وه‌ ، به‌ر له‌ ته‌واو بوونی نیوه‌ی یه‌که‌م هه‌مان یاریزان گه‌رایه‌وه‌و گۆلی دووه‌می خۆی میوانه‌کانی تۆمار کردو گێمی یه‌که‌م به‌ دوو گۆلی بێ به‌رامبه‌ر له‌ سوودی پاریس سانت جێرمان کۆتایی پێ هات .

 له‌ گێمی دووه‌م هێرشه‌کانی یانه‌ی میوان به‌رده‌وامی هه‌بوو له‌ خوله‌کی شه‌ست و سێ کلیان مباپێی فه‌ره‌نسی گۆلی سێیه‌می یانه‌ پاریسیه‌که‌ی تۆمار کرد .

 له‌ خوله‌کی حه‌فتاو هه‌شت ئه‌لبێرت ئه‌لیسی هندۆراسی به‌ تۆمار کردنی گۆلێک جیاوازیه‌که‌ی که‌م کرده‌وه‌ ، له‌ جوا خوله‌کی یاریش مبای لیانگی سه‌نیگالی گۆلی دووه‌می بۆ خاوه‌ن یاریگا تۆمار کردو یاریش به‌ سێ گۆل به‌رامبه‌ر به‌ دوو گۆل له‌سوودی یانه‌ی پاریس سانت جێرمان کۆتایی پێ هات و یانه‌که‌ش یازده‌مین بردنه‌وه‌ی له‌م وه‌رزه‌ به‌ده‌ست هێناو کۆی خاله‌کانیشی له‌ پله‌ی یه‌که‌می ریزبه‌ندی یانه‌کان بۆ سی و چوار خال به‌رزکرده‌وه‌ یانه‌ی بۆردۆش تووشی پێنجه‌م دۆراندن هات و خاوه‌نی دوازده‌ خاله‌و له‌ پله‌ی شازده‌می ریزبه‌ندی دێت .