مانچێستەر ستی لە لووتکەی پرێمەرلیگ مایەوە
کانونی یه‌که‌م 20, 2021 13:58 Asia/Tehran
لە میانی یارییەکانی خولی نایابی تۆپی پێی ئینگلتەرا (پرێمەرلیگ)، یانەی مانچێستەر ستی لە دەرەوەی یاریگای خۆی بە ئەنجامی چوار گۆڵی بێبەرامبەر لە یانەی نیوکاسڵ یونایتدی بردەوە.
گۆڵەکانی مانچێستەر ستی لە خولەکی پێنج لەلایەن دیاز، خولەکی 27 کانسێلۆ، 63 مەحرەز و86 ستەرلینگ تۆمارکرا.
مانچێستەر ستی کە ھەشتەمین بردنەوەی یەک لەدوای یەکی لەم وەرزەدا تۆمار کرد، بە کۆکردنەوەی 44 خاڵ شوێنی خۆی لە لووتکەی رێزبەندیی یانەکان توندوتۆڵتر کرد.
ھاوکات، یانەی چێلسی کە پلەی سێیەمی رێزبەندەکەی گرتووە، لە دەرەوەی یاریگای خۆی بەبێ گۆڵ لەگەڵ ولڤەرھامپتۆن یەکسانبوون.یانەی چڵسی، کە لە دوایین دوو یاریدا یەکسان دەبێت، کۆی خاڵەکانی بۆ 38 خاڵ بەرزکردەوە.
