لواندۆفسکی بوو بە باشترین یاریزانی ساڵی تۆپی پێ
ئاھەنگی باشترینەکانی فیفا شەوی دووشەممە لە سەر سێ شەممە لە زوریخ بەرپا کراو «ڕۆیێرت لواندۆفسکی» بوو بە باشترین یاریزانی تۆپی پێی جیھان لە ساڵی ٢٠٢١ دا.
بە پێی ڕاپۆرتی ھەواڵدەریی فارس، لە ئاھەنگەکەدا «ڕۆیێرت لواندۆفسکی» ئەستێرەی پۆڵۆنیایی «بایەرن مونیخ» بۆ دووھەمین جار ناسناوی باشترین یاریزانی ساڵی تۆپی پێی جیھانی دەست کەوت.
«ئلێکسیا پوتیاس»یش وەکو باشترین یاریزانی ساڵی ٢٠٢١ی تۆپی پێی ئافرەتان ھەڵبژێردراو خەڵاتی «The Best»ی بردەوە.
«ئێدوارد مەندی»ش توانی ناسناوی باشترین گۆڵپارێزی ٢٠٢١ی فیفا دەست خات. «کریستییەن ئاندلێر»بش بوو بە باشنرین گۆڵپارێزی ئافرەت بۆ ساڵی ٢٠٢١.
لە بەشی ھەڵبژاردنی ڕاھێنەرانیش دا، «تۆماس توخڵ» ڕاھێنەری ئاڵمانیی یانەی چلێسیی ئینگلیس توانی ناسناوی باشترین ڕاھێنەری پیاوان لە ساڵی ٢٠٢١ی تۆپی پێی جیھان بە دەست بێنێ.
«ھایز»ی ڕاھێنەری تبپی ئافرەتانی چلێسیی ئینگلیسیش خەڵاتی باشترین ڕاھێنەری تۆپی پێی ئافرەتانی لە ساڵی ٢٠٢١ دا مسۆگەر کرد.
«ئێریک لاملا» یاریزانی «تاتێنھام»یش خەڵاتی «پوشکاش»ی بردەوە.
جێگای ئاماژەیە «مەھدی تاریمی» ھێرشبەری تیپی نیشتیمانیی ئێران و ھێرشبەری یانەی «پۆرتۆ»ی پۆرتۆگاڵ بۆ بەشی خەڵاتی باشترین گۆڵی ساڵی «خەڵاتی پوشکاش» کاندید کرا بوو.
