یوڤانتۆس پێنجەم بردنەوەی لە سەریەکی لە خولی ئیتاڵیا تۆمارکرد
نیسان 10, 2022 15:00 Asia/Tehran
لە چوارچێوەی کێبڕکێکانی خولی ئیتاڵیا، یانەی یوڤانتۆس لەیاریگای خۆی دا بردنەوەی بەرامبەر بە سالێرنیتانا تۆمارکرد.
ئەمڕۆ یەکشەممە، لە چێوەی یارییەکانی هەفتەی 30ی خوولی ئیتاڵیا، یانەی یوڤانتۆس لە”ئالیانز ستادیەم” میوانداریی سالێرنیتانای کرد، یارییەکەش بە ئەنجامی دوو گۆڵی بێبەرامبەر لە بەرژەوەندیی ئەستێرەکانی ماسیمیلیانۆ ئالێگری کۆتاییهات.
گۆڵەکانی یوڤانتۆس لە خولەکەکانی پێنج، 29 لەلایەن پاولۆ دیبالا و دوشان ڤلاهۆڤیچەوە تۆمارکران.
بەپێی ئەنجامە تۆمارکراوەکە، یانەی یوڤانتۆس ژمارەی خاڵەکانی گەیاندە 59 و لە پلەی چوارەمی ڕیزبەندیی یانەکانی کالچیۆ جێگیربوو، هەروەها یانەی سالێرنیتانا بە 16 خاڵەوە لە پلەی 20 کە کۆتا پلەی کالچیۆیە بەردەوامبوو.
