مۆندیاڵی ٢٠٢٢ی قەتەر؛ میواندار بوو بە دۆڕاوی یاریی دەستپێک
تشرینی دووه‌م 21, 2022 01:23 Asia/Tehran
لە یەکەم یاریی مۆندیالی 2022ی قەتەر، یانەی میواندار بە ئەنجامی 2-0 بە ئیکوادۆری دۆڕاند.
بە پێی ڕاپۆرتی ئیرنا؛ هەڵبژاردەکانی قەتەر و ئیکوادۆر لە کاتژمێر ١٩:٣٠ خولەک لە چوارچێوەی حەوتەی یەکەمی قۆناغی کۆمەڵەکانی مۆندیالی ٢٠٢٢ ی قەتەر لە یاریگای «ئەلبەیت» ڕووبەڕووی یەکتر بوونەوە کە لە کۆتاییدا شاگردەکانی «گۆنزالۆ ئەلفارۆ» بە ٢ گۆڵ توانییان بەربەستی میواندار تێپەڕێنن.
بەم ئەنجامە قەتەر بووە یەکەم خانەخوێ لە مێژووی مۆندیاڵدا کە ھەر لە یەکەم یاریدا دۆڕابێت.
جێگای ئاماژەیە هەڵبژاردەی تۆپی پێی ئێرانیش ئەمڕۆ دووشەممە ٢١ی نۆڤەمبەر لە یاریگای خەلیفە لە قەتەر ڕووبەڕووی هەڵبژاردەی ئینگلتەرا دەبێتەوە.
