بارسێلۆنا مەودای خۆی لەگەڵ ڕێئال مەدرید دیسانیش زیاتر کرد
شوبات 13, 2023 16:10 Asia/Tehran
تیمی بارسێلۆنا بە دەسخستنی سەرکەوتنێکی پڕبایەخ بەرامەر بە ڤیاڕیئال، پێگەی خۆی لە خشتەی لالیگادا بەهێز کرد
لە دوایین یاریی هەفتەی بیست و یەکەمی لالیگای ئیسپانیا دا، شەوی ڕابردوو تیمی فوتباڵی بارسێلۆنا لە ماڵی ڤیاڕێئال چووە مەیدان کە توانی میواندارەکەی بە ئەنجامی یەک بە سفر لەسەر ڕێگای خۆی لادات و بە زیاد کردنی سێ خاڵی تر بە کارنامەکەی، مەودای خۆی لەگەڵ نزیکترین تیمی دوای خۆی واتە ڕێئال مادرید زیاتر بکات.
گۆڵی "پێدری" ئەستێرەی ئیسپانیایی کاتالانەکان بۆ تۆمارکردنی هەژدەهەمین سەرکەوتنی ئەو تیمە لە وەرزی ئێستای فوتباڵی ئیسپانیا بەس بوو بۆ ئەوەی بیکات بە خاوەنی پەنجاو شەش خاڵ.
پێش ئەم یارییە لە لالیگدا سێ یاری دیکەیش لە چوارچێوی لالیگا بەڕێوە چووبوو کە لە گرینگترینیاندا "ئەتلێتیکۆ مادرید" بەرامبەر بە "سێلتاڤیگۆ" سەرکەوت.
