چل و سێهەمین پێشبڕکێی نێودەوڵەتیی زۆرانی ئازادی جامی «پاڵەوان تەختی» بە بەشداریی وەرزشوانانی وڵاتانی عێراق، ئەفغانستان و ئێران لە هۆڵی «غەدیر»ی شاری ورمێی ناوەندی پارێزگای ئازەربایجانی ڕۆژئاوا بەڕێوەچوو.

بە پێی ڕاپۆرتی هەواڵدەریی ئێرانپرێس، چل و سێهەمین کێبڕکێی نێودەوڵەتیی زۆرانی ئازادی جامی پاڵەوان تەختی بۆ ماوەی دوو ڕۆژ (٢٥ و ٢٦ی مانگی مای ٢٠٢٣) بەڕێوەبراو ئێران بە کۆکردنەوەی ٢٣٠ خاڵ بوو بە پاڵەوان.

(هەڵبژاردەی لاوانی ئێران) بە کۆکردنەوەی ١٣٩ خاڵ، عێراق و ئەفغانستان هەریەکەیان بە ١٠ خاڵ لە ٤٣هەمین کێبڕکێی زۆرانی ئازادی جامی «پاڵەوان تەختی» لە شاری ورمێ، پلەکانی دواتریان بەدەست هێنا.