ئێران لە سەر لووتکەی لەشجوانیی پاڵەوانەتیی ئاسیادا
ته‌مووز 08, 2024 08:09 Asia/Tehran
تیمی هەڵبژاردەی لەشجوانیی ئێران بە دەسخستنی چواردە میداڵیای زێڕ، شەش زیو و چوار برۆنز لە سەر پلەی یەکەمی پەنجا و حەوتەمین خولی ڕکابەرایەتییەکانی پاڵەوانەتیی ئاسیا ڕاوەستا.
پەنجا و حەوتەمین خولی ڕکابەرایەتییەکانی لەشجوانیی پاڵەوانەتیی ئاسیا کە ڕۆژی هەینیی پازدەی پووشپەڕ بە ڕێ و ڕەسمی دیاری کردنی کێش لە وڵاتی مەغولستان دەستپێ ببوو، ئەمڕۆ یەکشەممە بە پاڵەوانەتیی تیمی ئێران کۆتایی هات.
تیمی هەڵبژاردەی ئێران کە بە بیست و دوو وەرزشوان لەم ڕووداوە وەرزشییە بەشداری کردبوو، بە بەدەستهێنانی بیست و چوار میداڵیا بریتی لە (چواردە زێڕ، شەش زیو و چوار برۆنز) پلەی پاڵەوانەتیی بەدەست هێنا. ئێران جگە لە دەسخستنی پلەی پاڵەوانەتیی بەشی سەرجەم ڕیزە تەمەنییەکان، بانتر لە چین و ژاپۆن، لە ڕیزی تەمەنی گەورەساڵانیش توانی کاپی تیمیش بە دەست بێنێ.
