حەوتەمین کۆبوونەوەی هاودەنگیی لەگەڵ منداڵان و تازەلاوانی فەلەستینی سەرلەئێوارەی ئەمرۆ دووشەممە لە شوێنی کۆبوونەوەکانی سەرۆکان لە تاران بەڕێوە چوو.

"ناسر ئەبوو شەریف" نوێنەری بزووتنەوەی جەهادی ئیسلامی لە ئێران لەو کۆبوونەوەدا وتی: هەڵمەتی باهۆزی ئەقسا، هەڵمەتێک بوو کە زایۆنییەکان قەت بیریان لێ نەدەکردەوە. لە یەکساڵی ڕابردوودا رژیمی زایۆنیستی ١٨هەزار منداڵی فەلەستینی شەهید کردووە. ئەبوو شەریف وتیشی: هەموو ئازادیخوازانی جیهان دەبێ لایەنگری منداڵانی فەلەستینی و لوبنانی بن کە بێتاوان بەدەست زایۆنییەکان شەهید دەبن.

ناوبراو پێی داگرت: کۆمەڵگای جیهانی دەبێ لەهەمبەر ئەو قەبارەی کوشت و بڕی زایۆنییەکان، کاردانەوە پێشان بداو بەرپرسایەتیی خۆی لەوبارەوە جێبەجێ بکات. ئەبووشەریف هەروەها وتی: ڕۆڵەکانی لوبنان و فەلەستین، دواڕۆژی ئێمەن و دەبێ بە ئازادکرانی نیشتمانەکەیان، مافەکانیان مسۆگەر بکەن.