بەردەوامبوونی جەنایەتەکانی ڕۆژێمی زایۆنی لە غەززە و هەڵکشانی ژمارەی شەهیدانی ئەم کەرتە
ئه‌یلوول 11, 2025 18:20 Asia/Tehran
ڕێژە و ئاماری قوربانییانی شەڕی جینۆساید و کوشتاری بە کۆمەڵی ڕژێمی زایۆنی دژ بە خەڵکی کەرتی غەززە لە ئۆکتۆبەری 2023وە تا ئێستا و تا ئەم کاتە گەیشتووەتە 64,718 کەس.
وەزارەتی تەندروستیی فەلەستین لە کەرتی غەززە ڕایگەیاند لە ماوەی 24 کاتژمێری ڕابردوودا بە هۆی دەستدرێژی و جەنایەتە بێ بڕانەوەکانی رژێمی زایۆنی 72 کەس شەهید و 356 کەسیش بریندار بوون. ئەم وەزارەتخانەیە وتیشی کە ڕێژەی قوربانیانی شەڕی جینۆساید و کۆمەڵکوژی کە ڕژێمی زایۆنی دژ بە خەڵکی کەرتی غەززە لە ئۆکتۆبەری 2023وە وەڕێی خستووە، تا ئێستا گەیشتووەتە 64,718 کەس. بە پێی ئاماری ڕاگەیەندراو لە لایەن وەزارەتی تەندروستی فەلەستینەوە، جەنایەتەکانی زایۆنییەکان لەم ماوەیەدا بۆتە هۆی برینداربوونی 163,159 کەسیش.
