لە پەلامارەکانی ڕۆژی شەممەی فڕۆکە جەنگییەکانی ڕژێمی سەعوودی بۆ سەر پارێزگای تەعز، باشووری ڕۆژاوای یەمەن، سێ کەسی مەدەنی کوژران و ژمارێکی زیاتریش بریندار بوون.

بە پێی راپۆرتی ئیرنا؛ فڕۆکە جەنگییەکانی عەرەبستان ڕۆژی شەممە هەروەها  ١٨ جار شارەکانی "میدی" و "حەرەز" یان لە پارێزگای حەجە هەڵکەوتوو لە باکووری ڕۆژاوای یەمەن دایە بەر پەلامار.

فڕۆکە جەنگییەکانی ڕژێمی سەعوودی پێشتریش بەجاران خەڵکی یەمەنیان لە خاک و خوێندا گەوزاندبوو.

شەڕنانەوەکانی عەرەبستان و هاوپەیمانەکانی لە یەمەن تا ئێستا بۆتە هۆی کوژرانی پتر لە 13 هەزار کەس، بریندار بوونی دەیان هەزار کەس و ئاوارە بوونی بە ملوێنان یەمەنی دیکە  و هەروەها تیاچوونی زۆربەی ژێرخانەکانی ئەم وڵاتە.

دەسدرێژیی سەربازیی عەرەبستان هەروەها وڵاتی هەژار و دەسکورتی یەمەنی بەرەوڕووی کەمبوونی نالەباری خۆراک و دەرمان کردۆتەوە و بۆتە هۆی پەرە سەندنی زۆر نەخۆشی و پەتایەکی نالەبار لەم وڵاتەدا.

ڕژێمی سەعوودی و هاوپەیمانەکانی تا ئێستا لەبەر خۆڕاگریی خڵکی یەمەن نەیانتوانیوە بگەنە ئامانجەکانیان لەم وڵاتەدا کە هەمان دەسەڵات گرتنە دەستی کەسانی دەسنیا و دارەدەستە.