سەعد حەریری سەرۆک وەزیرانی لەکارکشاوەی لوبنان و نەبیە بڕی سەرۆکی پەرلەمانی ئەم وڵاتە لە بەیاننامەیەکی هاوبەش دا لە سەر پێویستیی کرانەوەی ڕەوتی پێکهاتنی دەوڵەت جەختیان کردو داوای وریا بوونی جەماوەری لوبنانیان کرد لەم هەل و مەرجەی ئێستادا.

بەپێی ڕاپۆرتی هەواڵدەریی ڕادیۆو تەلەفزیۆنی ئێران، «حەریری» و «بڕی» ڕۆژی سێ شەممە لە کۆشکی « عەینولتینە» چاویان بە یەکتر کەوت و لە بارەی هەل و مەرجی ئێستای لوبنان پێکەوە ڕاوێژیان کرد.

هەردووک لا لە کۆتایی دیدارەکەیاندا لە بەیاننامەیەکی هاوبەش دا، چەسپێندرانی ئەهوەنی و دوورەپەرێزیی تەواوی هێزە حیزبی و جەماوەرییەکان لە دروست کردنی ئاڵۆزیی سیاسییان بۆ پێکهاتنی خێرای دەوڵەتی تازەیان بە پێویست زانی.

دیدارەکەی سەعد حەریری و نەبیە بڕی لە کاتێکدا ئەنجامی گرتووە کە بەیرووتی پێتەختی لوبنان لە ماوەی سێ شەوی ڕابردوو بشێویی توندو تێکهەڵچوونی نێوان ناڕازییان و هێزەکانی ئاسایشتی بەخۆیەوە بینیوە.

 سەرۆک وەزیرانی لەکار کشاوەی لوبنان و سەرۆکی پەرلەمانی ئەم وڵاتە لە بەیاننامەکەی خۆیاندا داوایان لە ناڕازییان کردووە کە ئەهوەنی بپارێزن و خۆیان لە قەرەی تێکهەڵچوون لەگەڵ هێزەکانی ئاسایشت نەدەن.

نەبیەبڕی و سەعد حەریری لە دیدارەکەدا هەروەها سوکایەتی کران بە پیرۆزایەتییە ئیسلامییەکانیان بە توندی ئیدانە کرد.