ئیمزاکرانی یەکەم گرێبەستی نێوان کۆمپانیا زایۆنیەکان و ئیمارات
ئاب 16, 2020 15:21 Asia/Tehran
دوو کۆمپانیای ئیماراتی و رژێمی زایۆنی، ئەمڕۆ یەکشەممە 16ی ئاب، گرێبەستێکی بازرگانییان واژووکرد بە مەبەستی پەرەپێدانی توێژینەوە و لێکۆڵینەوەکانی تایبەت بە ڤایرۆسی کۆرۆنا.
بەپێی هەواڵێکی ئاژانسی هەواڵی ئیماراتی (وام)، کۆمپانیای ئەپێکسی نیشتمانی بۆ وەبەرهێنانی ئیماراتی و گرووپی کۆمپانیاکانی تێرای ئیسرائیلی گرێبەستێکیان بۆ بەرەوپێشبردنی توێژینەوەی تایبەت بە ڤایرۆسی کۆرۆنا واژووکردووە.
ڕۆژی 13ی ئاب، سەرۆکی ئەمریکا، دۆناڵد ترەمپ ڕێککەوتنی نێوان ئیمارات و رژێمی زایۆنیی ئاشکراکرد، کە تێیدا پەیوەندییەکانیان ئاساییدەکەنەوە.
ئەم رێککەوتنە رووبەڕووی رەخنە و گازندە و ئیدانەی زۆر بووەتەوە .
