کەشتییەکی ئیسرائیلی لە ئاوەکانی ئیمارات دا کرایە ئامانج
نیسان 13, 2021 23:18 Asia/Tehran
سەرچاوە میدیاییەکان باسی ھەڵکوتانە سەر کەشتییەکی بازرگانیی سەربە ڕژێمی زایونییان کردووە لە نزیک کەناراوەکانی میرنشینە یەکگرتووە عەرەبییەکان.
بە پێی ڕاپۆرتی ماڵپەڕی «یۆنیوز»، ئەم کەشتییە بازرگانییەی ڕژێمی زایونی ئەمڕۆ سێ شەممە لە نزیکی بەندەری «ئەلفەجیرە»ی میرنشینە یەکگرتووە عەرەبییەکان کراوەتە ئامانج.
بە پێی ئەم ڕاپۆرتە، ئەو کەشتییەی کە ھێرشی کراوەتە سەر ناوی «ھایپرۆن_hyperion»و ھی کۆمپانیای ئیسرائیلیی «PCC»ـە.
میدیای زایونیستیی «جرۆزاڵم پۆست» بە بڵاو کردنەوەی ھەواڵێکی بەپەلە ھێرشکرانە سەر کەشتییەکەی ئیسرائیلی لە ئیمارات دا پشتڕاست کردەوە.
ھێشتا لە بارەی ڕادەی ئەو زیانەی کە لەم کەشتییەی ڕژێمی زایونی کەوتووە ڕاپۆرتێکی ئەوتۆ بڵاو نەبووەتەوە.
ئەمە دووھەمین جارە کە کەشتیی هەمان کۆمپانیای ئیسرائیلی ڕووبەڕووی هێرش دەبێتەوە.
