SAHAR

یانەی یەخسیرانی فەلەستینی باسی لێدان و دارکاری کرانی ژمارێک لە یەخسیرانی بەندیخانەی جەلبوع لە لایەن بەندیوانانی رژێمی زایۆنی دەکات .

بە پێی راپۆرتی ئیرنا ، یانەی یەخسیرانی فەلەستینی ئەمڕۆ دوشەممە لە بەیاننامەیەک دا راگەیاند : نزیکەی 90 کەس لە یەخسیرانی فەلەستینی بەندی سێی بەندیخانەی جەلبوع ، لە کاتی گوازرانەوە بۆ بەندیخانەی شەتتە لە نزیک ئەم زیندانە ، کەوتوونە بەر لێدان و دارکاری کردنی بەندیوانان . 

بە پێی ئەم راپۆرتە ، لێدانی یەخسیرانی فەلەستینی تا چەند کاژێرێک دوای گوستنەوە بۆ زیندانی شەتتە بەردەوام بووە . 

گروپە فەلەستینیەکان لە رێگەی میسرەوە پەیامێکی توندیان بۆ رژێمی زایۆنیەوە ناردووە و ھەڕەشەیان کردووە ، بێتوو سەرکوتکردنی یەخسیران درێژەی ھەبێت ، تێکڕای رێککەوتنەکانی ئاگربەس لە گەڵ ئەم رژێمە ھەڵدەوەشێنن .