پەرلەمانتاری لوبنانی: جۆری ناکۆکیی ئەمریکاو ئیسرائیل لەسەر غەززە، زێڕینگەرییە
نوێنەری ئەندامی فراکسیۆنی وەفاداری بەرامبەر خۆڕاگریی لە پەرلەمانی لوبنان، وێڕای ئاماژە بەوەی کە ناکۆکیی نێوان ئەمریکاو رژیمی ئیسرائیل لەسەر کەرتی غەززە، ناکۆکیی زێڕینگەرییە، وتی: سوپای یەمەن بە ئەنجامدانی هەڵمەتەکەی لەئاراستەی پاڵپشتی لە گەلی فەلەستین لەدەریای سوردا توانی کۆتایی بێنێ بە زاڵێتی واشنگتۆن بەسەر دەریاکان و ڕێگائاوییەکان.
"ئیبراهیم موسەوی" ئەندامی فراکسیۆنی وەفاداریی بەرامبەر خۆڕاگریی لە پەرلەمانی لوبنان وتی: کەڵک وەرگرتنی ئەمریکا لە ئیمتیازی ڤیتۆ دژ بە وەستاندنی شەڕ لە کەرتی غەززە، بەمانای هاوبەشبوونی واشنگتۆنە لە تاوانکاریی کۆمەڵکوژیی دوژمنی زایۆنی لەدژ گەلی فەلەستین.
ناوبراو هەروەها وتی: رژیمی زایۆنیستی، پێگەی سەربازیی ستراتژیکی هێڵی پێشەوەی واشنگتۆن و ڕۆژاوایە.
ئەو پەرلەمانتارە لوبنانییە لەدرێژەی قسەکانیدا وێڕای ئاماژە بە هەنگاوەکانی سوپای یەمەن بەدژ رژیمی زایۆنی و تووشی ئاستەنگ کردنی ئەمریکا، وتی: یەمەن زاڵێتی یەکلایەنەی ئەمریکا بەسەر دەریاو ڕێگا ئاوییەکانی هەرەس پێ هێناوە.
نوێنەری فراکسیۆنی وەفاداریی بەرامبەر خۆڕاگریی لە پەرلەمانی لوبنان بە ئاماژە بە پاوەجێی دانیشتووانی غەززە وتی: پاوەجێی و خۆڕاگریی چەند مانگەی دانیشتووانی غەززە لەهەمبەرمەکینەی جەنگیی وەێرانکەری رژیمی زایۆنیستی و لەهەمبەر گەمارۆ، کوشت و بڕ و کەڵک وەرگرتنی تەلاویڤ لە برسی ڕاگرتنی خەڵک وەک کارتێکی گوشار، کەم وێنەیە.
خۆڕاگریی غەززە، زۆر بەهێزەو توانای پاوەجێی و خۆڕاگریی بۆ درێژماوەی هەیە.
