ئیسرائیل بەرپرسیارە لە کوشتنی یەک لەسەر سێی پەیامنێران لە ساڵی ٢٠٢٤ دا
کانونی یه‌که‌م 12, 2024 19:27 Asia/Tehran
ڕێکخراوی پەیامنێرانی بێ سنوور لە ڕاپۆڕتێکدا ڕایگەیاند: چەکدارانی ئیسرائیل بەرپرسن لە کوشتنی یەک لەسەر سێی پەیامنێران لە ساڵی ٢٠٢٤دا.
ڕێکخراو ی پەیامنێرانی بێ سنوور ڕایگەیاندووە کە لە ساڵی ٢٠٢٤دا ٥٤ پەیامنێر لە کاتی ئەنجام دانی کارەکانیاندا لە سەرانسەری جیهان گیانیان لەدەستداوە و سوپای ئیسرائیلیش بەرپرسیارە لە یەک لەسەر سێی گیانلەدەستدانیان .
بە پێی ڕاپۆرتی ڕێکخراوی پەیامنێرانی بێ سنوور، فەلەستین مەترسیدارترین وڵاتە بۆ ڕۆژنامەنووسان. ئەم ڕێکخراوەیە تا ئێستا چوار سکاڵای لای دادگای تاوانی نێونەتەوەیی بەرز کردووەتەوە بە هۆی تاوانی جەنگی دژی پەیامنێران لە لایەن ئەرتەشی تیرۆرەوە ژمارەی شەهیدانی پەیامنێر لە دەسپێکی شەڕ لە کەرتی غەزە لە حەوتی ئوکتوبری 2023وە تا ئێستا گەیشتووەتە 193 کەس .
