سەرۆکى هەرێمى کوردستانی عێراق پرۆژەیەکى داوەتە لایەنە سیاسیەکان بۆ پێکهێنانى لیستى هاوپەیمانى کوردستانى.

بەپێى ڕاپۆرتی کەناڵی ئاسمانی سەحەربەگێڕانەوە لە ماڵپەڕی  زانیاریەکانى شارپرێس، نیچیرڤان بارزانى سەرۆکى هەرێمى کوردستان  و دوو جێگرەکەى لەسەردانەکەیدا بۆ سلێمانى بەسەرکردنەوەی یەکێتى و گۆڕان پرۆژەیەکى پێشکەشکردون بۆ پێکهێنانى لیستى هاوپەیمانى کوردستانى لە پەرلەمانى عێراق.

سەرۆکى هەرێم جەختى لەسەر پێکهێنانى ئەو هاوپەیمانیەتە کردوەتەوەو داواى لە یەکێتى و گۆڕان کردوە دۆخەکە وا پێویست دەکات کە فراکسیۆنە کوردستانییەکان لە چوارچێوەى هاوپەیمانییەکدا کۆبکرێنەوە. وەک باسی دەکرێت یەکێتى و گۆڕان رەزامەندیان نیشانداوە کە ئەو هاوپەیمانیەتیە پێکبهێنرێت.

هەروەها سەرۆکى هەرێم لەگەڵ ئەو دوو لایەنە لە کۆبوونەوەکانیاندا جەختیان لەسەر چارەسەرى کێشەکانى هەرێم و بەغدا کردوەتەوەو بەپێویستیشیان زانیوە کە لەپرسەکانى تایبەت بەهەرێم لە بەغدا یەکدەنگ بن.

لەماوەى رابردوودا سەرۆک کۆمارى عێراق بەرهەم ساڵح سەردانی هەرێمى کردو لەگەڵ سێ سەرۆکایەتیەکەى هەرێم و لایەنە سیاسیەکان کۆبووەوەو تیایدا پێکهێنانى هاوپەیمانی کوردستانى لە بەغدا بە گرنگ زانی.